Hambalyo Jubbaland State!..Ceeb Caleykum Dowladda Xasan Shiikh!

Markacadeey.net

Gabayga yeeraaya, Guuxaan Baxaaya
Iyo Gurbaankaan Ow Axmed Madoowaa
Lagu Guurihaayee, Aa lagu Guurihaayee!
Jubbaland State Aa Lagu Guurihaayee, aa lagu Guurihaayee!

Markii la fiiriyo sida dowladda jawaabata ay ka bixisay markii la doortay madax-weynaha Jubbaland State waxaa kuu soo baxaaya dowladda aan leenahay nooca ay tahay, madax-weynaha aan leenahay nooca aas ayahay, adiga khiimee Cabdi-kariin Xuseen Guuleed maxaas ku hadlay, mas’uul miyaa?! Aniga waan yabanahay.. waxaas dhahay “dowladda ma aqoonsano madax-weynayaasha la doortay” macnaha waxaas ku hadlaayaa hadalkii qab-qable Barre Hiiraale aas ku hadlay wax kaleeto ma ahan.

Waxaa soo baxooya Dokhonimo oo weyn, waxaa soo baxooya in Barre Hiiraale iyo madax-weyne Xasan Shiik ay isku ogaayeen markii oo dowlad la dhiso adiga iska hadal waxaad dhahdaa “anigaa madax-weyne aa la ii doortay” markaas annagana waxaan dhahooynaa khilaaf jira labada nin min ma akhoonsanin, hada arrinka waxaas joogaa dadkii inii yaabanyihiin, waxaa la dhahay nin reer baadiye ah aa habeen safar galay, waxaa ka hor yimid wax madow, waas ka joogsaday, waas ka bakhi, “Ish, Kir! Bax!” waas khayliyi hadiiba subaxdii la gaaray wixii aas ka cabsaday waxay nokhdeen KUNTUR, Ar See waayay? Yaa! “Kuntur lee maa aheed? Bahal aan kuu khabay laakiin kuntur aan nokhoti laakiin habeen safrowna sheekadiisa waa dhamaatay” aas dhahay, hadda dowladda Xamar joogto dowlad aan u khabnay laakiin qabiil ay noqotay, dowlad dambe in laga dhigto sheekadeedana waa dhammaatay.

Waxaa yaab leh niman aan kasaayo oo aan makhaaydaha iskula shaahno habiinkii wixii ay noo sheegaan subaxdii xafiiska oo madax-weynaha ay ka soo baxayaan, wararkii u dambeeyay ay dadkaas noo sheegeen waxaa ka mid ahaay in beelaha Hawiye ay rabaan inay koonfurta oo dhan iyaga yeeshaan saas darteeda madax-weyne Xasan Shiikh ma yeelaayo maamulka Jubbaland state, sida hadda ku socotana madax-weyne Xasan Shiikh tii uu ku socdaa, sida aas ninkaan saaxiibkayga ah iigu faanay Digil iyo Mirifle, reer Benaadir, Jareer, wax laga baryooyo ma jiraan waxaa muhiim ah in laga takhaluso Jubboland State.

Cabdi-kariin Xuseen Guuleed, haddii u fiirsatid sidaas u hadlay waxaa arkooysaa wax yaab leh, mas’uuliyad yaridiisa waxaas dhahay AMISOM ha u kala eexan madax-weynayaasha, Barre Hiiraale waxba ma fahamsana, haddiis u bato balan qaad been ah aa la soo siiyay, maxaa yeelay nimanka hadda meesha wax ka dhisanooyo sida ay u muukhato dowladdaan halka qabiilka ah wax ma ka khaadayso, sida aas hadda Xasan Shiikh u shaqaynooyana dagaaladii sokeeye lama hurooyo, waa dhici kartaa dowladaha shisheeyaha inii lagu fakado laakiin Xasa iyo wasiirkiis Cabdi-kariin arrinta qabiil ay ka dhigeen.

Madax-weyne Xasan Shiikh waxaas la tashtaa niman oo wax kaleeto shakhadooda aheen qabyaalad lee, Cbadi-qaadir Adan cadde (Member Of USC Founders) cabdi-qaasim Salaad Xasan Axmed Cabdi-salaan, Yuusuf Garaad Cumar, Faarax Cabdi-qaadir, wax kaleeto ma kasaayaan qabiil naceeb aa ka buuxa, laakiin waxaa arin oo laga xumaado ah, dadka kaleento oo dhan wax la kasi karo waaye, laakiin Cabdi-qaadir Adan Cadde oo ku soo koray gurigii madax-wenihii ummadda oo dhan, ani ma kasi karo sababta oo ku kalifaysa in uu dhexda bartanka u soo fariisto dadkaan camal, annaga markii Allaah ha u naxariistee Adan Cadde madax-weynaha aas ahaay reer Benaadir ahaan sharaf aan ku nooleen.

Hadda waxaa xoog lagu heestaa gobolka Jawhar, waxaa xoog lagu heestaa gobolka Benaadir oo dhan, waxaa xoog lagu heesta gobolka Marka, waxaa xoog lagu heestaa Bay iyo Bakool, dagaal hadda Jubboland Staate lagu haayo macnihiisa waxaa waaye goboladaan xooga lagu heesto aa la rabaa inii ku khuustaan, laakiin arintaanayti waxaa ka imaanaayo dhib intaas aad uga ween.

Khayaannada dowladda waxaa ka garnee Max’ed Xaaji Adan waxaa laga soo dhigay gudoomiyaha Kismaanyo, Maxmed Ammin waxaa laga soo dhigay guddoomiyaha Jubbada hoose, Barre Hiiraale waxaa lagu hahi Axmed madoowe ku khabso, sheeko ciyaal camal, macnaha madax-weyne Xasan waxaas rabyaa inaas isku diro dadka oo deegaankaas ku nool macnah waxaas ka wadyaa Kala Kheebi bacdi Xukun!

Dhibka kaleeto oo jira waxaa waaye dadkii oo ree Benaadirka ahaa waxay u guureen Somaliland iyo Buntland laakiin si dhuudhuumashow ah, hadda iyo bara kac kow, gabdhahaa la kufsanooyaa, khasab aa lagu guursanaa, waxaa waaye sida dowladda u fekereeso Soomaali waa ku kala tagee, Xasan iyo nimanka la talinaayo wax aan dhici karin ee isu sheegeen, Koonfur kuligeed annakaa iska khaadanayna, Ceeb caleykum Xasan iyo nimanka la talinaayo laakiin haddii sameen kartiin ma ahoo! Been waaye taas!

Hambalyo Jubboland Staate, shacabka iyo madaxweenaheeda Axmed Max’ed Islaam (Axmed-Madowe) Hambalyo aan leenahey, beesha caalamkana waxaa waaye in taageero siiso, dowladda Xasan waxa ay Muqdisho ka smeeneeso waxaa waaye in dad xaqiiqo raadis ah loo soo diro waaye, maxkamado in la keeno waaye, aduunka waxaan ka rabnaa in indhahooda ku arkaan Xamar maxaa yaal, lacag aa lagu soo daldalaa, hunguri aa lagu daldalaa,laakiin maxaa yaala in la is weydiiyo ma ahin miyaa?! Bravo, Marka, iyo Xamar maxaa yaala xaqiiqo raadin ha loo soo diro, maxkamadda Hague in dad la geeyo waaye,

Gabdho yar-yar aa guryahooda maalin kasta xoog looga wadahooyaa, Dhuuso mareeb aa la geysanaa, waxaa loo dawcooday Max’ud Axmed Tarzan guddoomiyiha gobalka Benadir, waxaas dhehi wax aan ka khaban karo ma lahan, waxaa loo sheegay xildhibaaniinta reer Benaadir (waa la hanfarooyaa ee ma ihin xildhibaan) waa iska aamuseen, waxaas oo dhan dowladda ma u jeedo, Xamar xaalkiisa bariga dhexe waaye!

Reer jubboland, maamulkiin daba joogsada, mustakhbalkiina dhista, Maanta Aduun waaye Beri Aakhiro waaye, been ma aha in lisku sheego ma ihin, Xamar xaqiraad aa lagu joogaa, maamul aa dhisateen been yaan la idin sheegin, xildhibaaniinta oo joogo ma hadli karaan, wax kasta hal beel aa xoog ku heesata.

Madax-weenaha Jubaland waxaan leenahay horay u soco, reer Bay iyo Bakool, iyo Shabeelaha hoose, dadkaas oo dulmiga ku jiro jid fiican aa tusti, waa na dhiirisi, waan kugu dayaheynaa, taladaadana waa u baahanahay, anigoo afka ree Benaadirga ku hadlaayo Axmed Madowe waxaan dhahooyaa taageerada dadka oo koonfurta ku dulman oo dhan waa heesataa na hor gal “Geesiyow nin kuu gefay maa guulaysahaayee, guulaysahaayee, gabyga yeeraayo , guuxaan baxaayo iyo gurbaankaan Ow- Geeddi Shaambowaa lagu guurihaayee, lagu guurihaayee, Ow-Axmed Madowaa lagu guurihaayee! Jubboland State aa lagu guurigaayee!” Soomaaliya ha noolaato!”

Waxaa saaka caasimada dalka Soomaaliya ee muqdisho soo gaaray wafdi kasocday urur goboleedka IGAD waxaana hogaaminyay Maxbuub Macalin oo ah xoghayaha guud ee IGAD.

Durbadiiba waxa ay kulan albaabada u xiran yahay la yeesheen ra’iisul Wasaaraha Soomaaliya Cabdi Faarax Shirdoon (Saacid), kulankaa oo saxaafada ay dibad joog ka aheyd ayaa la sheegaya in looga hadlayay arrimaha Jubooyinka, gaar ahaan doorashadii Labada Madaxweyne.

Wafdigan ayaa waxaa hogaaminayay Maxbuub Macalin oo xoghayaha guud ee IGAD, Jen Gabre oo ahaa Taliyihii Ciidamadii Itoobiya ee Soomaaliya soo galay sanadkii 2006-dii, balse ah Ergeyga Itoobiya ee IGAD, Safiirada dalalka ku bahoobay IGAD oo uu ku jiro Safiirka Soomaaliya u fadhiya Kenya.

Waxaa lagu sheegay in booqashadanu aheyd in horay lagu go’aamiyay shirkii Madaxweynayaasha IGADF ee lagu qabtay dalka Itoobiya, waxaana lagu macneeyay imaanshiyahooda Magaalada Muqdisho in ay la xariirto sidii ay war bixin uga diyaarin lahaayeen arrimaha gobolada Jubooyinka ee waayadan xaaladeedu cakiran tahay.

Mudane Ciilmooge oo ah wasiirka warfaafinta Soomaaliya ayaa sheegay in ay dowladu u gudbisay gudiga ka socda wadamada IGAD mowqifkeeda ku aadan ee arimaha maamul u samaynta gobolad.

Si kastaba ha ahaate shirkii maanta ay yeesheen dowladda Soomaliya iyo urur goboleedka IGAD ayaa ku soo idlaaday jawi is afgarad leh iyadoo xubnaha ururkana ay sheegeen in ay mar waliba tixgalinayaan dastuurka dalka Soomaaliya.

Degmada Afmidow ee Gobolka Jubada Hoose ayaa manta gelinkii dambe waxaa mar kale loogu dhawaaqey Madaxweynihii 5aad ee Jubbooyinka oo sheegey in si cadaalad ah oo nadiif ah asaga halkaasi loogu doortey.
Dr.Idriss Cabdi Dhaqtar (OO ka soo jeeda HUBEER – DIGIL IYO MIRIFLE) oo Ah Aqoonyahan Soomaaliyeed , qof jaamici ah oo horey ula soo shaqeeyey UN_ka hay’adihiisa kala duwan , ayaa waxaa manta Afmidow loogu doortay Madaxweynaha Xaqa Ah asagoo sheegey in ay doorteen ilaa 31 qabiil oo wada degan Gobolada Jubooyinka.

Dr. Idriss oo wariyaheena Mad Yerow Aaming kula xiriirey Khadka Taleefonka ayaa wuxuu sheeegey inuusan asaga rabin inuu xilkaasi qabto laakiin taageeriyaashiisa ay ku dhiira geliyeen inuu xilkaasi u tartamo taasooa y dhacdey inuu 7 cod kaga badiyo musharxii ugu dambeeyey ee ay isu soo hareen wareegiid ambe ee doorashada.

Guud ahaan 5 Ruux ayaa isu soo sharaxdey Xilkaan kuwaasoo Kala ahaa

1. Mudane C/qaadir cali Maxamed – OGAADEEN

2. Hassey Saqiir – DABARRE – DIGIL IYO MIRIFLE
3. C/rixiin Yuusuf – OGAADEEN
4. Dr. Idriss Cabdi Dhaqtar – HUBEER – DIGIL IYO MIRIFLE
5. Mukhtaarey Macalin – MACALIWEYNE – DIGIL IYO MIRIFLE

Hasey Mukhtaarey & C/raxiin ayaa wariigii kowaadba ku haray waxaa is qabsadey C/qaadir Cali Maxamed & Dr. Idriss waxaana wareegii 2aad la iska dhaafi waayey 336 cof iyo 336 Cod.
Wareegii ugud dambeeyey ayaa waxaa ku guuleystay doorashadu Dr. Idriss oo kaga badiyey Mudane C/qaadir Cali Maxamed 9 Cod .
Malaaqyadii, Aqoonyahanadii iyo mudaniyaashii wax dooranayey ayaa waxay calanka Jubooyinka fart aka saareen Madaxweyne Idriss oo mudo saacdo ah boqolaal dhalinyero ah ay ku sideen Garbaha.
Isu soo wada duub duub Magaalada Afmadow ayaa lagu soow aramayaa in caawa ay ka jirto Damaashaad iyo u sacba tumid madaxweynaha 5aad ee Jubooyinka.

Mudo yar kadib markii magaalada Kismaayo lagu doortay Axmed Madoobe loona dhaariyay Madaxweynaha Jubbaland sidoo kalana Barre Hiiraale isna uu sheegay in la doortay ayaa waxaa arimahaas kahadlay qaar kamid ah aqoonyahanada kasoo jeeda Bay iyo Bakool.

Prof Ibrahim Heeroow oo kamid ah Aqoonyahanada ku sugan Muqdisho kana soo jeeda Magalada Baydhabo ayaa sheegay in doorashada Axmed Madoobe iyo Midda Barre Hiiraale aysan waxba is dhaamin isla markaana ay yihiin dad aan asal ahaan kasoo jeedin deeganadaasi.

RIIX HALKAN SI AAD U DHAGAYSATO

Waxaa uu hoosta ka xariiqay Mr Heeroow in Kismaayo dadka  sheegayana aysan udhalan isla markaana aysan awood ulahayn inay xakumaan Jubbooyinka.

Aqoonyahankan ayaa sheegay in Kismaayo xal ay utahay in loo gacan geliyo maamul usamaynta Gobollada dalka gaar ahaan Jubbooyinka.

Wararka ka imaanaya Magaalada Baydhabo ee xarunta gobolka Bay ayaa sheegaya goordhow halkaasi inuu ka dhacay Qarax xooggan oo ilaa iyo hadda aan la xaqiijin khasaaraha ka dhashay.

Wararka laga helayo Qaraxa ayaa sheegaya in uu ka dhacay Xaafadda Bardaale ee Magaalada Baydhabo halkaasi oo Fariisin ay ku leeyihiin ciidamadda Madaniga ee dowlada Soomaaliya.

Ilaa iyo Iminka ma jiraan cid ka hadashay Qaraxa walow xiriir aan la samaynay Maamulka Magaalada ay sheegeen dib inay kasoo gudbin doonaan Faah faahinta Qaraxa.

Sheekh Isxaaq Mursal Geesdheere Xoghaya Ururka Ahlusunna ee gobolada  Koonfureed ayaa sheegay shirka ka soconaya Magaalada Kismaayo inuu yahay mid aysan u dhamayn beelihii asal ahaan dagi jiray deeganada Maamulka goboleedka loo samaynayo.

Waxaa uu sheegay shirkaasi inay ka maqanyihiin Beelaha Digil iyo Mirifle oo uu sheegay asal ahaan inay iyagu leeyihiin Maamul u samaynta deeganadaasi.

Geesdheere ayaa sheegay Magaalada Kismaayo dadka ku shirsan inay yihiin kuwa kasoo tagay Kenya iyo Ethiopia isla markaana aan ehel u ahayn Maamul u samaynta Jubbooyinka.

Sheekh Isaaq ayaa sheegay Beelaha Digil iyo Mirifle inay leeyihiin maamul u samaynta Jubbooyinka isla markaana aysan goobta ku sugnayn, oo ay kuso wargaliyeen Ahlusunna inaysan shirka cid u matasha Beelahooda ku suganyn.

Cabdi Caynte waxa uu ka soo jeeda Beesha Hawiye, Murursade. Aabihiis waa Yuusuf Cali Cayne wuxuu ka mid ahaa golihii sare ee Maxaakiimta,  sanadkii  2007, aabihiis wuxuu ka mid ahaa  gudiiga dhexe ee golaha Fulinta (ARS), sanadkii 2009 wuxuu kaloo  ka mid ahaa  shantii Boqol  oo inqilaabay dawladii  Cabdulaahi Yuusuf,  heshiiskii Jabuuti. Yuusuf Cali Caynte  wuxuu xildhibaanadiisii  waayey markii saxiibkiis Shraiif Axmed laga adkaaday.

Yuusuf Cali Caynte Maanta wuxuu hogaamiyaa urur xag jir ah (Majma Ulimadda Islaamka ee Soomaaliya), ka dib markii bishii sagaalaad ee sanadkii hore  uu dhintay hogaamiyihii hore ee ururkas  Allah ha u naxariistee Ahmed Abdi Diisow,
Cabdi caynti waxay qaraabo dhow  yihiin afhayeenka Alshabaab.
Cabdi Cayne waxa Oday Dhaqameed u ah Beeshiisa nabadoo Xasan Xaad.

Yusuf Cali caynte lacag ay dawlada Qadar siisay ayuu ugu furay wiilkiisa Urur u ololeeya Danta Beesha Hawiye.

Hundreds of Somali Islamic scholars today [21 March] held a large gathering in Mogadishu to elect a new chairman of the Assembly of Muslim Scholars of Somalia to replace his predecessor who died recently. The meeting participants elected Shaykh Yusuf Ali Aynte.

Cabd Yuusuf Caynte oo ah Madaxa hay’ad ama machad (Think-Tank)oo loogu magacdaray (the Heritage Institute for Policy Studies (HIPS) oo ah urur u ololeeaya danta Beesha Hawiye ayaa sheegay in ay madaxweyne Culusoow la taliyeen. hadaba maxay kula taliyeen.
warbixinta jaraa’idka The Economista todobaadkan ka qortay Soomaaliya ayaa waxaa looga hadlay awood- yarida dowlada Soomaaliya ee uu hogaamiyo Madaxweyne Xassan Culusoow iyo waliba sida ay qabaa’iilka Soomaaliyeed isha ugu hayaan bal inuu fulin doono hirgelinta nidaamkii Federaalka ee horey loogu heshiiyey.

Matt Bryden oo isagu kamid ah xubnaha jaraa’idka wareysiga siiyey ayaa sheegay in dowlada Federaalka aysan weli hirgelin dhamaan arrimihii muhiimka ahaa ee nidaamka Federaalka, wuxuuna sheegay in Soomalida u arkaan dowlada Xassan Shiikh Maxamuud mid aan rabin nidaamka Federaalka. Waxaa xusid mudan Matt Bryden wuxuu horey uga mid ahaan jiray guddiyadii Qaramada Midoobay ee xogta ka aruurin jiray xaalada Soomaaliya hadana wuxuu ka furtay Nairobi xafiis lagu magacaabo Sahan oo wax ka qora arrimaha Soomaaliya.

Cabdi Caynte oo kamid ah xubnaha iyaguna wareysiga siiyey jariirada Economist ayaa ku dooday in warar badan oo been ah laga fidiyey dowlada Federaalka ee cusub, wuxuuna sheegay in hawl culus oo aan fududeyn hortaal dowlada Soomaaliya. Cabdi Caynte oo difaacaya Madaxweynaha ayaa sheegay inuusan wadan wax “Qarsoon”.

    Jariirada Economist ayaa qortay sidatan: Abdi Aynte, the head of the Heritage Institute, a think-tank based in Somalia, complains that too many conspiracy theories abound. The president has no hidden agenda, he says, and “an incredibly hard job”. Still, some of Mr Mohamud’s opponents in rival clans are still backing the Shabab, the armed Islamists linked to al-Qaeda that previously dominated the country, to destabilise him. In the past month, scores of people were killed in two Shabab suicide-attacks in Mogadishu.

Waxay sidoo kale arrintan muujineysaa dadka talooyinka siiya Madaxweynaha Soomaaliya iyo shacabka dhaliilsan xukuumada sida ay u kala aragti fogyihiin dhinaca siyaasada.

Cabdi Caynte ayaa muuqata inay lataliyayaasha uu kamid yahay ay ku guuleysteen in uu Madaxweyne Xassan Shiikh fuliyo talooyinkooda kuwaasi oo kamid yihiin 2da qodob ee ugu muhiimsan;

1- In Wax laga bedalo Dastuurka Federaalka Soomaaliya, isagoo qoraal dheer oo talo bixin ah oo uu Madaxweyne Xassan u qoray kula taliyey in Dastuurka Federaalka Soomaaliya uu yahay mid aan taageero ummada ka heysan isla markaana ay dusha ummada uga keeneen hogaamiyayaashii Dowladii hore ee Kumeelgaarka ahayd.

2- Taladiisa labaad ayaa ahayd in xilka Raysalwasaaraha uusoo magacaabayo uu noqdo mid awoodiisa ay kooban tahay oo aan faraha la gelin siyaasada sare ee dalka.

Cabdi Ceynte oo luuqada Ingiriiska warbixinadiisa ku qora ayaa qoraalkii uu talada kusiinayey Madaxweynaha Soomaaliya markii la doortay u qoray sidatan markuu ka hadlayey Arrimaha Federaalka iyo Nidaamka cusub:

Constitutional and governmental overhaul: the now defunct TFG had imposed a new ‘Draft Constitution’ on the Somali people with almost no public consultations. The document institutionalizes sectarianism, sets the country on the road to renewed, clan-based civil unrest and effectively puts the duly elected President on a collision course with his appointed future Prime Minister. The document grants oversized powers to an unelected Prime Minister over the elected president – a perennial source of infighting in the government. The ‘Constitution’ also creates a convoluted and unworkable federal structure for one of the most homogeneous and smallest countries (population wise) in Africa.

Dowladii hore ee dhacday Federaalka Kumeelgaarka ah, waxay ku khasabtay shacabka Soomaaliyeed Dastuurka Federaalka, iyadoo aan wax wadatashi ah kala yeelan ummada. Dastuurkan wuxuu horseedayaa Iskala-qeybsanaan, wuxuuna wadanka ku jiheenayaa wado cusub,oo keeni doona xiisado “Qabyaaladeed”. Wuxuuna ka dhigayaa Madaxweyne la doortay inay isku dhacaan Raysalwasaare uu isagu magacaabay. Wuxuuna qoraalkan awood dheeraad ah siinayaa Raysalwasaare aan la dooran oo ka awood bata Madaxweynihii la doortay. Waxay keenaysaa khilaaf hoose oo dowlada ah. Dastuurkan wuxuu sidoo kale keenayaa hab maamuleed aan shaqeyn doonin oo ah nidaam Federaal oo laga hirgeliyo wadanka ugu dadka yar Afrika ahna dad iskuwada midi ah (homogeneous)

Garoonka magaalada Kismaayo waxaa maanta ka degtay diyaarad yar oo waday 42 qof oo la sheegay inay u badnaayeen Odayaal u dhashay Jubooyinka iyo Gedo, si ay uga qeyb galaan shirka halkaasi ka socda, laakiin jirdilo ayeey kala kulmeen ciidamada Raaskambooni.

Diyaaradii ayaa markii ay caga dhigatay waxaa kusoo yaacay ciidamo aad u badan, waxayna jirdilo kula dhaqaaqeen wixii Odayaal dhaqameed ahaa iyo qaar ka mid ah dadka shacabka ee siyaaradda saarnaa.

Odayaasha qaarkood sidii qoriga baadkiisa loogu garaacaayay waxaa la sheegay inay suuxeen halka kuwa kalena ay cagahooda wax ka dayeen ilaa ay hoosta ka galaan ciidamada Kenya.

Ciidanka Kenya ayaa adkeysan waayay ka dibna waxay isku weer ka qabteen ciidamadii Raaskambooni oo markoodi qori baadkiisa looga saaray garoonka magaalada Kismaayo.

Odayaashii iyo dadkii kale oo yaaban ayaa joogagaroonka Kismaayo halkaasi oo biyo iyo raashiin lagu siiyay si ay u nastaan, waxaana xaaladooda ay tahay mid weli qasan.